Сайрам ауданының әкімі Арман Сәбитов Қарабұлақ ауылдық округінің тұрғындарымен кездесу өткізді. Кездесуде тұрғындардың ұсыныстары мен пікірлерін тыңдап, ауылдық округтің әлеуметтік-экономикалық жағдайын талқылады. Өз кезегінде, тұрғындар көкейлеріндегі толғандырған мәселелерді ортаға салды.
Аудан әкімі ауылдық округ аумағында 11 жаңа ұңғыма қазу жоспарланғанын жеткізді. Бұл шара тұрғындарды таза ауыз сумен қамтамасыз ету үшін маңызды қадам екенін айтты. Бұдан бөлек, кездесуде ауылдық округ аумағындағы жолдарды кеңейту және асфальт төселіп басталған жұмыстарды жалғастыру керектігін тілге тиек етті.
Сондай-ақ, тұрғындар қазіргі таңда жол жағдайының қолайсыз екенін, әсіресе жаңбырлы кезде қиындық туғызатыны туралы талап-тілектерін білдірді.
Бұдан бөлек, аудан әкімі заманауи стандарттарға сай жабдықталған полиция пунктінің жаңа ғимаратымен танысты. Бұл қызметкерлердің жұмысын тиімді ұйымдастыруға мүмкіндік беретінін, тұрғындарға қызмет көрсету сапасын арттыруға септігін тигізетінін атап айтты.
Танысу барысында аудан әкімі қауіпсіздік мәселелері мен құқық қорғау органдарының жұмысын одан әрі жетілдіру бағытындағы жоспарларды талқылады. Әрбір мәселенің назардан тыс қалмай, әкімдік тарапынан қажетті шаралар қабылданатынын айтты.
