Шымкент қаласында жас отбасылардың білімін, шығармашылығын және отбасылық бірлігін арттыру мақсатында «ОТАУ IQ» атты интеллектуалдық-шығармашылық сайыс ұйымдастырылды. Іс-шара Шымкент қаласының Жастар саясат басқармасы мен «Бәйтерек жастар ұйымы» қоғамдық бірлестігінің ұйымдастыруымен 29 қараша 2025 жылы өтті.
Сайыстың басты мақсаты — жас отбасылар арасында отбасылық құндылықтарды дәріптеу, интеллектуалдық әлеуетті арттыру және шығармашылық мәдениетті дамыту болды. Шараға 18–35 жас аралығындағы бірнеше жас отбасы қатысып, өзара білім мен өнер бәсекесіне түсті.
Сайыс «QUIZ» форматында, яғни бірнеше раундтан тұратын зияткерлік және шығармашылық тапсырмалар түрінде ұйымдастырылды.
Қатысушылар төмендегі бағыттар бойынша бақ сынады:
1️ «Тұлға-Таным» – ұлттық және әлемдік тұлғалар туралы сұрақтар;
2️ «Тарих белестері» – Қазақстан және әлем тарихына арналған викторина;
3️ «Құндылық коды» – отбасылық және мәдени құндылықтарды танытатын сұрақтар;
4️ «Логика лабиринті» – логикалық және ойлау қабілетін тексеретін тапсырмалар;
5️ «Шығармашыл отау» – музыка мен поэзияға арналған шығармашылық бөлім.
Қатысушылардың белсенділігі жоғары болды.
Сайыс барысында жас отбасылар өзара түсіністік, бірлік және ұйымшылдық танытты. Әр команда өз қабілеті мен тапқырлығын көрсетіп, нағыз отбасылық командалық рухты паш етті.
Қазылар алқасы нәтижесінде ұпай саны бойынша ең үздік деп танылған отбасылар төмендегідей марапаттарға ие болды:
1 орын – Орал отбасысы 500 000 теңге,
2 орын – Арғынбай отбасысы 300 000 теңге,
3 орын – Ермек отбасысы 200 000 теңге көлемінде ақшалай сыйлық пен дипломдар табыс етілді.
Сонымен қатар, жоғары белсенділік пен ерекше көзқарас танытқан командаларға 4 қосымша номинация бойынша әрқайсысына 150 000 теңгеден қаржылай сыйақы берілді.
Ұйымдастырушылардың айтуынша, «ОТАУ IQ» сайысы жыл сайын дәстүрлі түрде өткізіліп, жас отбасылар арасында интеллектуалды мәдениетті қалыптастыруға, қоғамдағы отбасылық құндылықтардың мәртебесін көтеруге бағытталмақ.
Мұндай шаралар қоғамда жас отбасылардың әлеуетін дамытуға және олардың өзара байланысын нығайтуға үлкен септігін тигізеді. «ОТАУ IQ» секілді сайыстар тек интеллектуалдық біліміңді ғана емес, сонымен қатар шығармашылық, ұйымшылдық және отбасы құндылықтарын бағалайтын іс-шаралар болып табылады. Бұл шара отбасылар арасындағы ынтымақтастықты арттырып, бір-бірін түсінуге мүмкіндік береді. Олардың әрқайсысы өз отбасы үшін жауапкершілікті сезініп, жалпы ұжымдық жұмыс жасаудың маңыздылығын түсінеді.
Шымкент қаласында ұйымдастырылған осындай сайыс, әсіресе жастарға ой салатын алаңға айналуы мүмкін. Жастар арасындағы білім деңгейі мен шығармашылық қабілеттері артқан сайын, қоғамда позитивті өзгерістер орын алады. Әр отбасының ерекшеліктері мен көзқарастары, шығармашылық қабілеттері мен білімі осы сайыстарда көрініс табады, әрі бұл жас буынның мәдени және интеллектуалдық деңгейін арттырады. Бұдан бөлек, бұл іс-шаралар жастардың елге, оның тарихына және мәдени құндылықтарына деген сүйіспеншілігін оятуға ықпал етеді.
Жалпы, бұл сайыстартардың жас отбасылар үшін өте маңызды жоғары. Олар тек білім мен өнерде ғана емес, өзара коммуникация мен қатынас орнатуда да көп тәжірибе жинақтайды. Бұл сайыс болашақта жас отбасылардың қоғамдағы орны мен рөлін бекітуге, ұлттық құндылықтарды жаңғыртуға ықпал ете алады. Сайыстың дәстүрлі түрде өткізілуі, әрине, тек жастардың ғана емес, бүкіл қоғамның дамуында оң әсерін тигізетін болады.
