2025 жылдың үшінші тоқсанындағы мәліметке сәйкес, Шымкент қаласында жұмыссыздар саны 22 370 адамды құрап, жұмыссыздық деңгейі 4,7 пайыз болды. Қалада еңбек нарығын тұрақтандыру мақсатындағы жұмыстар жыл бойы жүйелі түрде жүргізілді.
Биыл 49 655 азаматты жұмыспен қамту шараларына тарту жоспарланған еді. 1 желтоқсандағы мәлімет бойынша, 51 261 адам қатысып, жоспар 103,2 пайызға орындалды.
Азаматтарға жұмыспен қамту шараларын көрсету жоспары да кезең-кезеңімен іске асуда. Есепті мерзімде 23 480 адам қатысып отыр.
Кәсіби білім беру бағытында 4 545 тұрғын оқуға жолданды. Жұмыс беруші базасында оқытуға 160, білім беру ұйымдарында оқытуға 600, Enbek.kz порталында онлайн оқытуға 3 657 адам жіберілді. Сонымен қатар 128 адам ваучерлік негізде оқудан өтті.
Кәсіпкерлікті дамыту шаралары аясында 3 127 тұрғын қолдау алды. Оның ішінде «Бастау Бизнес» жобасы бойынша 2 696 адам кәсіпкерлік негіздерге оқытылды. Ал 431 азаматқа грант берілді.
Субсидияланатын жұмыс орындары бойынша 5 308 адам жұмысқа жолданды. Әлеуметтік жұмыс орындарына – 109, Жастар практикасына – 1 719, ақылы қоғамдық жұмыстарға – 2 643 адам тартылды. «Алғашқы жұмыс орындары» жобасына – 364, «Ұрпақтар келісім шарты» жобасына – 8, «Күміс жас» жобасына 464 адам қатысты. Мүгедектігі бар азаматтар үшін қарастырылған бір жұмыс орны да толық игерілді.
Бос жұмыс орындары арқылы тұрақты жұмыспен қамту бағыты бойынша 10 500 тұрғын тұрақты жұмысқа кірісті.
Қаланың 2021-2025 жылдарға арналған даму жоспары және кәсіпкерлердің жеке бастамалары есебінен 21 830 жаңа жұмыс орнын құру көзделген. Есепті кезеңде бұл көрсеткіш артығымен орындалып, 27 781 адам жаңа жұмысқа орналасты.
Жалпы алғанда, Шымкент қаласында биылғы жылы жұмыспен қамту шаралары жоспардан жоғары орындалып, еңбек нарығында оң өзгерістер орын алды.
Шымкент қаласында жұмыспен қамту шараларының артығымен орындалуы – бұл қала экономикасының тұрақтылығы мен әлеуметттік дамуында елеулі жетістіктерге қол жеткізілгенін көрсетеді. Жұмыссыздық деңгейінің төмендеуі мен жаңа жұмыс орындарының ашылуы – осы бағытта жүргізілген жұмыстардың табысты екенін айқындайды. Жұмыссыздарды жұмысқа орналастыруға бағытталған жүйелі шаралар тұрғындардың әлеуметтік жағдайын жақсартып, олардың еңбек нарығында белсенділік танытуына ықпал етеді. Бұл қала тұрғындарының өмір сапасын арттырумен қатар, жалпы ел экономикасының нығаюына да үлесін қосады.
Қаладағы кәсіпкерлік бастамаларды қолдау мен тұрғындардың кәсіби білім алуына бағытталған жобалар да жоғары нәтижелерге жетті. Кәсіпкерлік негіздерін оқыту, гранттар бөлу және бизнес жобаларын қолдау – бұл шаралар жаңа жұмыс орындарының ашылуына себеп болып, тұрғындардың өз бетімен табыс табуына мүмкіндік береді. Сонымен қатар, жұмыссыз тұрғындарды кәсіби мамандықтарға оқыту және онлайн білім беру мүмкіндіктері әлеуметтік мобильділік пен біліктілікті арттыруда маңызды рөл атқарады. Мұның барлығы кәсіпкерлік мәдениетінің дамуына ықпал етіп, болашақта қосымша жұмыс орындарын құруға мүмкіндік береді.
Жастардың еңбек нарығына қатысуын ынталандыру үшін әлеуметтік жұмыс орындары, жастар практикасы және қоғамдық жұмыстар сияқты жобалар да кеңінен қолданысқа енгізілді. Бұл бағыттағы шаралар жастардың тәжірибе жинақтап, өз қабілеттерін дамытуына мүмкіндік береді, сондай-ақ жұмыссыздықты азайтуда маңызды рөл атқарады. Қоғамның барлық топтарына жұмысқа орналасуға мүмкіндік беретін бағдарламалар қоғамдық тұрақтылықты қамтамасыз етіп, әлеуметтегі теңсіздікті төмендетуге жол ашады. Әрбір азаматтың еңбекке тартылуы қала экономикасына жағымды әсер етіп, әлеуметтік теңдікті арттырады.
Қаланың дамуы мен жұмыс орындарының ашылуының арқасында тұрғындар үшін тұрақты жұмыс табу жеңілдеді. Бұл жұмыстардың артығымен орындалуы Шымкенттің еңбек нарығындағы сұранысқа сай тиімді өзгерістердің нәтижесі. Ендігі жерде, жаңа жұмыс орындарын құру, кәсіпкерлікті қолдау және әлеуметтік жобаларды дамыту шаралары Шымкенттің экономикалық өсуін қамтамасыз етіп, қала халқының әл-ауқатын арттыруға оң әсерін тигізетіні сөзсіз.
