Мына суреттен елімізге ерен еңбегі сіңген әйгілі ұлт ұстазы Маржан Тасова басқарған №12 мектеп-интернатының 1975 жылғы түлектерін көріп отырмыз. Осы жасөспірімдер арасынан Алғабас ауданындағы «Бөген» кеңшарының бастауыш партия ұйымының хатшысы Қансейіт Түймебаевтың бір ұлын танып отырғандаймыз. Оқу озаты Жансейіт Қансейітұлы аттестат алысымен Алматыдағы С.М.Киров атындағы Қазақ мемлекеттік университетіне оқуға аттанады. Ал, бұл білім ұясы кейіннен сол кездегі директоры Маржан Тасованың есімін иеленеді.
Айтпақшы, болашақ әкімімізге білім берген ұстаздардың қатарынан біз белгілі ақын-журналист, қоғам белсендісі Жарылқасын Боранбаевты көріп, бір жасап қалдық.
Ә.Ә.
