ӨТЕШОВ Асқар, ҰОС ардагері
ӨТЕШОВ Асқар Даражанұлы, 1924 жылдың 1 мамырында дүниеге келген. 1942 жылдың тамыз айында Қызыл әскер қатарына алынып, майданға аттанады.
Белоруссия және Брест-Польша шекарасында қызметте болды. Баронович қаласындағы 24-ші дивизияның 86-шы шекарашылар отрядында қалтқысыз қызмет еткен. 1945 жылғы көптен күткен Жеңіс күнін ол осы қалада қарсы алады.
Көп ұзамай әскер қатарынан босатылып, туған қаласы Ташкентке қайтып оралады.
Зарыға күткен бейбіт күндерде әртүрлі қызметтер атқарып, ол халық шаруашылығын қалпына келтіру жұмыстарына белсене араласты. Бүгінде ол Шымкент қаласында тұрады. Төрт ұл-қыздан 13 немере, 18 шөбере сүйіп отыр.
Бүгінгі күні оқ пен оттың ортасында өмір мен ажал арпалысқан соғыстан елге Ұлы Жеңіспен оралған майдангерлермен, сол жеңісті жақындатуға орасан үлес қосқан тыл еңбеккерлерінің қатары жыл озған сайын сиреп барады. Десек те, қан майданда шейіт болған майдангерлердің рухтарына бас иіп, елге жеңіспен оралған ардақты ардагерлеріміз бен ерлікке пара-пар ерен еңбектің үлгісін көрсеткен тыл еңбеккерлеріне тағзым етеміз.
© DIDARBEK.kz
