Сайрам ауданындағы Ұлы Отан соғыс ардагерлеріне Ұлы Жеңістің 75 жылдығына орай, 1 миллион теңгеден бір реттік көмек берілді.
Ұлы Отан соғысының ардагері Мукаррам Шайхуддиновті марапаттау үшін аудан әкімі Ұласбек Сәдібеков ақсақалдың шаңырағына барды.
Қазақстан Республикасының Президенті Қасым-Жомарт Кемелұлының және Түркістан облысының әкімі Өмірзақ Естайұлының құттықтау хатын тапсырған аудан басшысы ардагерге шапан жауып, сый-құрмет жасады.
Ақсақалға мерейтойдың тарихи медалін тағып, Ұлы Жеңістің 75 жылдығына орай тағайындалған 1 миллион теңге көлеміндегі сыйақы сертификатын тапсырды.
Айта кетейік, Сайрам ауданынан Ұлы Отан соғысына 21195 азамат аттанып, оның 8115-і қан майданда қаза тапқан. Ал бүгінгі таңда ауданда Ұлы Отан соғысы ардагерінің қатары сиреп, төртеуі ғана қалды.
Ұлы Жеңістің 75-жылдығы қарсаңында майдангерлеріміздің ерлігі ескеріліп, жергілікті бюджет есебінен 30 млн теңге қаржы қарастырылды.
Ұлы Отан соғысының төрт ардагеріне — 1 000 000 мың теңгеден, 1 ҰОСҚ теңестірілген азаматқа — 100 000 теңге, 15 ҰОС мүгедектерінің жесіріне және 838 тыл еңбеккеріне 30 000 теңгеден бір реттік материалдық көмек тағайындалып, жеке есеп шоттарына аударылды.
© Сайрам ауданы әкімінің баспасөз қызметі
