2017 жылғы 14 тамызда сағат 13:31-де Төлеби ауданы, Сайрам-су тауларында «Кіргелі» шатқалында 1985 және 1986 жылы туылған азаматтар 12 тамызда тауға шығып, қайта оралмағандығы және байланысқа шықпағандығы туралы хабар келіп түскен.
Сағат 14:25-те хабарды алысымен, жедел-құтқару жасақтың жеке құрамында 5 адам және 1 техникасы көрсетілген мекенжай бойынша шығып кетті. Оқиға орнына сағат 16:27-де жетіп келіп, шұғыл түрде іздестіру жұмыстарына кірісті. Тек қана кешкі сағат 18:07-де іздестіру-құтқару жұмыстардың барысында «Кіргелі» шатқалынан 3 км ары жоғалған ер азаматтар табылды. Құтқарылғандардың жалпы жағдайы тұрақты еді, медициналық жәрдем мұқтаж болған жоқ.
ОҚО ТЖД жедел-құтқару жасағы қала тұрғындарынан және Оңтүстік Қазақстан облысының туристтерінен сұранатыны:
— тауға шыққан кезде өз маршруттарыңызды мұқият жоспарлап, тіркеліңіз;
— кез келген өзіндік туристтік топқа тіркелуі міндеттілігін ескертіп, техника қауіпсіздігі бойынша нұсқаулықты жедел-құтқару жасақтан алыңыз.
Құтқарушылар болжамды маршруттар ауданда потенциалды қауіп-қатер туралы қажетті және шынайы ақпаратты жеткізіп, қауіпсіз өту жөнінде, маршруттағы жеке және топтық қауіпсіздік қағидаларын түсіндіріп өтеді. Өз маршруттарыңызды мына мекенжай бойынша Шымкент қаласы, Алдияров көшесі, 34-а, 53-63-09 телефон арқылы тіркеуге болады.
