Басты бет » Ауыл жаңалықтары » МЕМЛЕКЕТТІК ҚОЛДАУДЫҢ ЖЕМІСІН КӨРУДЕ

МЕМЛЕКЕТТІК ҚОЛДАУДЫҢ ЖЕМІСІН КӨРУДЕ

Түлкібас ауданы Балықты ауылдық округіне қарасты Балықты ауылында «Жақсымбек» шаруа қожалығы малдың санын көбейтіп, кәсібін дөңгелетуде.

Мал шаруашылығымен біраз жылдан бері айналысып келе жатқан шаруа қожалық төрағасы Қынтаев Досжан есімді азамат ағымдағы жылдың наурыз айында «Кәсіпкерлік мектебі» мамандарының көмегімен Бизнес жоспарын әзірлеп, ауданымызда орналасқан «Түлкібас» несие серіктестігіне құжаттарын өткізген болатын. Бүгінгі таңда сұраған қаржысы толығымен мақұлданып, «Агробизнес» бағдарламасы аясында 60 бас жылқы алып отыр. Осылайша мемлекет тарапынан қолдауға ие болған түлкібастық шаруа өз кәсібін ұлғайтып қана қоймай 4 ауылдасын жұмыспен қамтып отыр. Ет өнімімен жергілікті ауыл тұрғындарын қамтамасыз етіп, көпшіліктің көңілінен шығып отырған кәсіпкер алдағы уақытта өз ісін одан әрі жандандыруды көздеп отыр.

Бүгінде аудан әкімі Н.Байғұттың тікелей бастамасымен кәсіпкерлерді қолдау мақсатында жүйелі жұмыстар іске асуда. Осы ретте, Досжан мырзаға шаруасының қарқынды дамуына, ауданның әлеуметтік экономикалық жағдайын жақсартуға септігін тигізуге тілектес бола отырып, дәл осылай кәсібін ашуға ниет білдірген азаматтарға қолдау білдіруге дайын екенімізді хабарлаймыз!

Түлкібас ауданының «КӘСІПКЕРЛІК МЕКТЕБІ» ғимаратының есігі сіздер үшін әрдайым ашық! Байланыс тел:8 725 38 51-088

© Түлкібас ауданы әкімінің баспасөз қызметі 

Пікір жазу

Ваш email нигде не будет показанОбязательные для заполнения поля помечены *

*