Оңтүстік шежіресі Астанада сыр шертеді.
«ЭКСПО – 2017» Халықаралық мамандандырылған көрмесі, Елбасы Нұрсұлтан Әбішұлы Назарбаевтың «Болашаққа бағдар: «Рухани жаңғыру» мақаласындағы «Туған жер» бағдарламасын насихаттауға арналған Оңтүстік Қазақстан облысының Астана қаласындағы күндері аясында үстіміздегі жылдың 30 тамызы күні Астана қаласының «Қазақстан» орталық концерт залының фойесінде ОҚО музейлерінің 1500-ден аса құнды жәдігерлерінен жасақталған «Жер кіндігі – Қазығұрт» көп салалы ғылыми көркемөнер көрмесі Елорда қонақтары мен өнер сүйер қауымға ұсынылады.
Көрменің мақсаты-құнды жәдігерлерден жасақталған көрме арқылы Астана қонақтары мен жұртшылығын Қазақстан тарихында сүбелі орынға ие болған Оңтүстіктің тарихи шежіресі және суретшілер қылқаламы мен қолөнершілердің шеберлігінен туған өнер шығармаларымен таныстыру.
«Жер кіндігі – Қазығұрт» көп салалы ғылыми көркемөнер көрмесінде кезең-кезеңімен тарихи шежіреден сыр шертетін белгілі қылқалам иелерінің шығармалары, қолөнер шеберлерінің жасаған бұйымдары мен тарихи фотосуреттері және Оңтүстік Қазақстан облысы музейлерінің жәдігерлері көрсетіледі.
