«Ынтымақ-2» шағынауданында электр жүйесі мәселесі келесі жылы шешімін табады, деп жазады қалалық ақпараттық — коммуникациялық орталығына сілтеме жасаған DIDARBEK.kz ақпараттық агенттігі.
Шымкентте шалғайдағы елдімекен тұрғындарының инфрақұрылым мәселесі кезең кезеңімен шешіліп келеді. Барлық аудан аумағында осы бағытта жүйелі жұмыстар қолға алынған.
Абай ауданының әкімі Бұқарбай Парманов «Ынтымақ-2» шағынауданының тұрғындарымен инфақұрылым мәселесі бойынша кездесті.
Қазіргі таңда елдімекенде ауыз су жүйесінің құрылыс жұмыстары жүргізілуде. Құрылыс барысы аудан әкімдігінің жіті бақылауында.
Бұқарбай Рысқұлұлының айтуынша, шағынауданда электр жарығы мәселесі таяуда шешіледі. Шағынауданында бүгінде 183 тұрғын үй жекеменшік трансформатордан электр жарығын киловатына 28 теңгеден алып отыр. Қазан айынан бастап бұл баға 25 теңгеге төмендейді.
Қазіргі таңда электр жүйесінің жобалық — сметалық құжаттамасы (ЖСҚ) әзірленген. Келесі жылдан бастап бұл мәселе толығымен шешімін табады.
Таяуда аудан әкімі Яссауи көшесінің тұрғындарымен инфрақұрылым мәселесі бойынша кездескен болатын.
© DIDARBEK.kz
