ЖҮЗ АДАМ БОЛСА, ЖҮЗ ТҮРЛІ ПІКІР БОЛАДЫ…
“Nur Otan» партиясының сайлауалды штабы өз жұмысын жалғастыруда.
Бүгінгі жолымыз қаламыздағы Абай ауданына қарасты Жаңаталап елдімекені мен қала маңында орналасқан Ақжар ауылына түсті. Республикамыздың бас партиясы “Nur Otan” партиясының сайлауалды бағдарламасына үгіт-насихат жұмыстарын жүргізген топқа жеке кәсіпкер, Шымкент қалалық мәслихат депутаттығына «Nur Otan» партиясынан үміткер, «Біргеміз, Қазақстан!» қоғамдық бірлестігінің төрағасы Бұрлыбаев Тасқынбай, жеке кәсіпкер, Шымкент қалалық мәслихат депутаттығына «Nur Otan» партиясынан үміткер, “Асыл Әлем” қоғамдық бірлестігінің төрайымы Нұргүл Қобланова, жеке кәсіпкер, Шымкент қалалық мәслихат депутаттығына «Nur Otan» партиясынан үміткер, “Главстройнаб Алматы” ЖШС директоры Нұрдаулет Үмбеталиев және белсенді жас, қалалық жастар мәслихатының депутаты, Шымкент қалалық мәслихат депутаттығына «Nur Otan» партиясынан үміткер Жансері Суетов еніп, тұрғындармен жүздесіп, халық тарапынан қойылған талаптар мен ұсыныстарды тыңдады. Жергілікті тұрғындарға бағдарламаны барынша кеңінен түсіндірген штаб мүшелерін халық жақсы қарсы алып, тұра қол соғып, көңілді қоштасты.
Сан түрлі адамнан жиналған аудиториядағы жан-жақты пікірлердің бәрі тыңдалып, ел сенетін партия тарапынан қаралатын мәселелер де бары айтылды.
Партияның сайлауалды бағдарламасына жоғары баға беріп, болашақтан үміті зор екенін жеткізді.
⠀Еліміздің жарқын болашағы үшін, балаларымыздың қолайлы әрі қауіпсіз ортада өмір сүруі үшін біздің партиямызға дауыс беруге шақырдық.
