ҚР Парламенті мәжілісінің депутаты, Nur Otan партиясы фракциясының мүшесі Берік Бекжанов Nur Otan партиясы Шымкент қалалық филиалында онлайн қоғамдық қабылдау өткізді. Берік Айдарбекұлы қоғамдық қабылдауда әр азаматтың сұрағын жеке-жеке қарастырып, көтерілген мәселелерге заңға сәйкес, жауап берді. Бүгін қабылдауда әр түрлі санаттағы азаматтар болған соң, көтерген мәселелері де бір-біріне ұқсамады.
Қоғамдық қабылдауда азаматтар көбіне әлеуметтік жағдай бойынша, сондай-ақ, көшпелі сауда жасау, Тұран шағын ауданындағы қараусыз қалған балалар алаңшасы, шағын ауданда 6 спорт алаңшаларының құрылысының уақыты, 16 гектар жерге орнатылған жарық шамдардың дұрыс жұмыс істемеуі, сондай-ақ, Достық шағын ауданындағы жол қозғалысы бойынша мәселелерді қозғады. Мәжіліс депутаты қатысушыларға партияға білдірген сенімдері үшін үлкен алғысын білдіріп, көтерген мәселелері партия назарына алынып, шешу жолында жұмыстар атқарылатынын жеткізді.
#deputatnurotan
© Didarbek.kz
