Дәл осылай ұғынатын “Халық қалаулыларын” кездестірсек, қуанып қаламыз. Таныс болыңыздар — сондай депутаттардың бірі — Сауран аудандық мәслихатының депутаты, Nur Otan партиясы фракциясының мүшесі Арман Шалданбаев.
Ең жақсы қасиеттердің бірі — сөзінен іс көп. Ел ортасында беделді, абырой асқақ азамат.
“Қайырымдылық шарасы” істерінің жанынан жиі табылып жатқанын да көз көреді.
Жастығында бойдағы күш-қуатын еліме пайдамды тигізсем деп жұмсап жүргені — қуантарлық, һәм құптарлық іс!
Бәрінен биік қою — әбестік, бірақ үлгі боларлық-ақ жан…
Бұл сөзімді көзі көрген қолдайтынына да шүбәм жоқ.
Негізі, өз басым қиыншылық дәмін татып өскен жандардың биікке шыққанын көрсем жаным жылиды. Ондай жандар лауазым арасындағы алшақтық пен биіктікті көре алатыны әлбетте болары сөзсіз.
Арман аға-бауырымыз да алтынға апталып, күміске қапталып өспегендіктен ащы мен тұщыны, ақ пен қараны, жақсы мен жаманды ажырата алады. Бір сөзбен айтқанда қазіргі ахуалды сезіп, ел ортасында жүре алары сөзсіз.
“Мандат — мақсат емес, міндет” екенін түсіне де, ұғына да алатын санаулы депутаттардың бірі. Сауран ауданы гүлденуі мен көркеюі жолында аянбай еңбек қылып, бар күш-жігерін жұмсайтынына мен өз басым сенемін!
