Ордабасы ауданына қарасты 9 ауылдық округтегі 201 шаруа қожалық иелері 517 гектар жерге бірінші рет егілген дақылдан 10 мың 379 тонна өнім алса, екінші рет себілген дақылдың өнім көлемі 3 мың 816 тоннаны құрады.
Жалпы аудандағы жылыжайлардың көлемі 87 гектар болса, оның 21 гектары өндірістік, 41 гектары фермерлік, 25 гектары үй іргелік жылыжайлар.
Бұған қоса, биыл жылыжай алаңдарын 15 га ұлғайту жоспарланып, 9 айда 16 гектар жылыжай алаңы іске қосылды.
Тамшылатып суару технологиясы ауданымыздағы 2 мың 574 га жерге қолданылуда. Биыл бұл әдісті 600 га жерге арттыру жоспарланып, бүгінгі таңға 754 га аумақ су үнемдеу әдісіне көшті.
Биыл ауыл шаруашылығы техникаларын сатып алудың жылдық жоспары 105 бірлік болса, қазіргі таңда 109 бірлік техника алынып, тапсырма 104 пайызға орындалды.
Биыл қысқа 309 тн мал азығы қажет болса, бүгінде 315 мың тонна жем шөп жиналып, межелі жоспар 102 пайызға орындалды.
Ордабасылықтар еліміздің Батыс өңірінде қуаңшылық қыспағында қалған ағайынға «бір жағадан бас, бір жеңнен қол шығара» отырып, 110 тонна мал азығын Маңғыстау облысына көмекке жіберді.
(Ә.Ә.)
