«Nur Otan» партиясының «Өзгерістер жолы: Әр азаматқа лайықты өмір!» атты 2021-2025 жылдарға арналған Шымкент қаласы бойынша сайлауалды бағдарламасын іске асыру бойынша әзірленген Жол картасындағы 80 — тармақтың орындалуына жауапты болғандықтан, іске асырылуын бақылау мақсатында Шымкент қалалық маслихат депутаты, «Nur Otan» партиясы фракциясының мүшесі ретінде «AZALA Cotton» ЖШС-не барып, жұмыс барысымен таныстым.
Естеріңізде болса, аталмыш кәсіпорында пандемияға байланысты 350 жұмыскерлердің еңбек ақылары кешіктірілгендіктен, БАҚ резонанстың видео жариялаған болатын. Мәселенің мән-жайын білу мақсатында кәсіпорынның директоры Оңланбеков Дархан Маратұлы және жұмысшы топпен кезестім. Бүгінгі таңда барлық келеңсіздіктер толығымен шешіліп, жұмыс бұрынғы қарқынмен жүргізіліп, еңбек ақылары уақытылы төленуде.
«AZALA Cotton» ЖШС өндірістік қуаты 5 мың тоннадан астам дайын өнімды құрайды. Карда және тарақпен иірілген жіп – бұл мақта талшығының өңдеуші ортасының және ұзын талшықты сорттарының өнімі. Айналдыру жүйесіне байланысты жіп кардалық және тарақтық болып бөлінеді. Кәсіпорында «Rieter», «MURATA», «VOLKMANN», «STRAPEX», «XORELLA» әлемдік брендтерінің жабдықтары және USTER зертханалық жабдығы орнатылған.
«AZALA Cotton» ЖШС-нің ең маңызды мақсаттарының бірі – шетелде сатылым нарығын жеңіп алу, сондай-ақ Қазақстанның бәсекеге қабілетті кәсіпорындарының бірі болу. Баға саясатында осы жобаның басымдықтары ретінде компания баға мен сапаның оңтайлы үйлесіміне бағытталған. Қазіргі уақытта дайын өнім: Шығыс Еуропа, Ресей Федерациясы, Түркия және Қытай елдеріне экспортталады.
Керімбаева Наргиза Абайдуллақызы
Мәслихат депутаты, «Nur Otan» партиясы фракциясының мүшесі
