Сайрам аудандық орталықтандырылған кітапханалар жүйесінің ұйымдастыруымен 24 қазан-«Кітапханашылар күні» мерекесінің және зейнеткерлерді шығарып салуға арналған «Еңбегі елеулі, зейнеті құрметті» атты мерекелік кеш өткізілді.
Қасиетті қазынамызды көздің қарашығындай сақтап, насихаттап, ел игілігіне жаратып жүрген, абыройлы мамандық иелері — кітапханашыларды кәсіби мерекемен Сайрам аудандық мәдениет, тілдерді дамыту, денешынықтыру және спорт бөлімінің басшысы Гулнара Тұңғышбекқызы Тынымбаева құттықтап, Сайрам АОКЖ КММ директоры Д.Сыдықованы, кітапхананы дамыту және ақпараттық-библиографиялық қамтамасыз ету бөлімінің меңгерушісі Л.Нсанова, аудандық орталық кітапхананың оқырмандарға қызмет ету бөлімінің меңгерушісі У.Артыкова, Қарамұрт ауыл кітапханасының кітапханашысы М.Кенжебаеваларды «Қазақстандық салалық мәдениет, спорт, туризм және ақпарат қызметкерлерінің одағы» қоғамдық бірлестігінің төрайымы С.Иманқұлованың «ҚҰРМЕТ ГРАМОТАСЫМЕН» марапаттады.
Рухы асқақ, биік мақсатты қалыптастыратын, рухани орда саналатын кітапханамыздың кілтін ұстаған руханият шырақшылары, зейнеткерлерімізді Ханқорған ауыл кітапханасының кітапханашысы Алтынай Айтекеева, Манкент ауыл кітапханасының кітапханашысы Мархамат Султанкулова, Жібек жолы ауыл кітапханасының кітапханашысы Фарида Абдумажитова, шаруашылық бөлімнің қызметкері Нурали Турдалиевты кешіміздің қонақтары Сайрам ауданының құрметті азаматы Сейдуалы Темірбаев, Сайрам аудандық мәслихатының депутаты, Сайрам аудандық әйелдер кеңесінің төрайымы Ұлдана Оразбаева, Сайрам аудандық мәслихатының депутаты, аудандық адами әлеуетті дамыту бөлімінің әдістемелік кабинет меңгерушісі Гүлнар Нұртанова Сайрам ауданы әкімінің орынбасары М.Оразалиевтің атынан жолданған құттықтауды
және сый — сияпатты табыстады.
Іс-шара барысында Б.Тіленшинаның сөзі, А.Лесованың әніне жазылған «Кітапхана» әні кітапханашылардың сүйемелдеуімен хор айтылып, зейнеткерлердің қызметіне бейнешолу жасалып, оқырмандар арнау арнап, «Самғанұр» тобы мың бұрала би билеп, мәдениет үйінің қызметкерлері ән шырқады.
Кеш соңында Сайрам АОКЖ КММ директоры Д.Сыдықова 24 қазан — «Кітапханашылар күніне» орай, кітапхана суретшісі Ақжол Нарботаев, жүйе кітапханашылары — Ұлжан Жакипбекова, Нигора Розакулова, Ситора Султанмуратова, Азиза Султанкулова, Шерзат Халжалиловтарды марапаттап, шығармашылық табыс, зор денсаулық, жанұялық бақыт тіледі.
«Кітап» деген құндылықтың иесі бола білген зейнеткер кітапханашыларымызды адал қызметтері мен асыл қасиеттерін ерекше бағалай келе, бейнеттерінің зейнетін көрулеріне тілектестік білдіреміз!!!
