Қазақстан Республикасы Үкіметінің 2023 жылғы 29 маусымдағы №508 қаулысымен бекітілген «Қазақстан Республикасында Нашақорлыққа және есірткі бизнесіне қарсы күрестің 2023 – 2025 жылдарға арналған кешенді жоспарын» тиімді іске асыру, Шымкент қаласы аумағына есірткі құралдары мен психотропты заттардың заңсыз енуіне сенімді тосқауыл қою мақсатында, қалалық полиция департаменті Есірткі қылмысына қарсы іс-қимыл басқармасы және Кинологиялық қызмет орталығының қызметкерлері тұрақты түрде бірлескен тексеру жұмыстарын жүргізіп келеді, – деп хабарлайды Didarbek.kz тілшісі Шымкент Қаласының Полиция Департаментінің баспасөз қызметіне сілтеме жасап.
Кезекті іс-шара Шымкент қаласында орналасқан «Қазпошта» АҚ Түркістан облысы бойынша филиалының пошта сұрыптау-тасымалдау басқармасында және қалалық теміржол вокзалында жүргізілді.
Онда Кинологиялық қызмет орталығының «Айла» және «Альфа» атты қызметтік иттерінің қатысуымен өткен тексеру, пошта жөнелтілімдері, жолаушылар және жүк тасымалдары арасында есірткі контрабандасын, сондай-ақ өзге де заңға қайшы заттарды заңсыз тасымалдау деректерін анықтау мен жолын кесуге бағытталды.
![Возможно, это изображение 1 человек и текст](https://scontent.fcit1-1.fna.fbcdn.net/v/t39.30808-6/440465101_8093941457282462_5505141295908887897_n.jpg?_nc_cat=111&ccb=1-7&_nc_sid=5f2048&_nc_ohc=IIWrgxpklEcQ7kNvgG_cZLc&_nc_ht=scontent.fcit1-1.fna&oh=00_AYAcczEglLyRE6W-ucz8wllZ3l559LQhhF0nb6L2gmZUgw&oe=664C5F98)
Атап өту қажет, аталған тексеру жұмыстары «Қазпошта» АҚ құрылымдық бөлімі, Көліктегі полиция департаменті Шымкент станциясындағы желілік полиция бөлімі мен Шымкент қаласының полиция департаменті арасындағы бірлескен іс-шаралар жоспары негізінде жүргізілуде.
© Didarbek.kz