Aудан әкімі Арман Абдуллаев Құркелес ауылдық округіне қарасты Жаңаталап елді мекенінің тұрғындарымен көшпелі кездесу өткізді. Аудан басшы елді мекенді жаяу аралап, тұрғындар тарапынан айтылған өітініштерді тыңдады, – деп хабарлайды Didarbek.kz тілшісі Сарыағаш Ауданы әкімінің баспасөз қызметіне сілтеме жасап.
Жаяу аралау барысында тұрғындар тарапынан жолдарды жөндеу, тозығы жеткен электр бағаналары мен желілерін жаңарту мәселелері бойынша өтініштерін жеткізді.
Көшпелі кездесуге елді мекен тұрғындары, ауылдық округ әкімінің орынбасары, ауданның жолаушылар және автомобиль жолдары бөлімі және ауданнның тұрғын үй коммуналдық- шаруашылық бөлімінің қызметкерлері қатысты.
Аудан басшысы тұрғындар тарапынан айтылған арыз-шағымдар мен өтініштерін мұқият тыңдап, көтерілген мәселелерге қатысты заң аясында жауап беріп,жауапты бөлімдерге тиісті тапсырмалар жүктеді.
© Didarbek.kz
