Aудан әкімі Нұржан Ізтілеуов Түлкібас ауданының Рысқұлов ауылдық округі тұрғындарымен кездесу өткізді, – деп хабарлайды Didarbek.kz тілшісі Түлкібас Ауданы әкімінің баспасөз қызметіне сілтеме жасап.
Жиынның негізгі мақсаты округтегі өзекті мәселелер мен ауыл тұрғындары арасындағы татулық пен тұрақтылықты нығайту жөнінде атқарылатын жұмыстарды анықтап, тиісті шараларды қабылдау туралы.
Кездесуге ҚР Ұлттық қауіпсіздік комитеті Түркістан облысы бойынша департаменті Түлкібас аудандық бөлімшесінің бастығы — Ғ.Ромашов пен Түлкібас ауданының Прокуроры — Н.Асқанбеков және округ тұрғындары қатысты. Аудан әкімі Н.Ізтілеуов барлық заңға қайшы іс әрекеттердің алдын алу бойынша профилактикалық іс шараларды жүргізуге тиісті бөлім басшыларына тапсырма берді.
Сонымен қатар азаматтардың сауаттылығын арттырып, арандатушылықтың жолын кесу баршамызға жүктелген міндет екенін еске салды. Өзге де өзекті мәселелер бойынша тиісті бөлім басшыларына тапсырмаларды жүктеді.
© Didarbek.kz
