Түркістан облысы Полиция департаментінің психолог мамандары мен облыстық дін істері басқармасының өкілдері Ордабасы ауданына іссапармен барды, – деп хабарлайды Didarbek.kz тілшісі Түркістан Облысының Полиция Департаментінің баспасөз қызметіне сілтеме жасап.
Сала мамандары полиция бөлімінің жеке құрамына арнайы сабақ өтіп, әлеуметтік-психологиялық сауалнама алды.
Психолог мамандары отбасындағы дау-жанжалдар мен зорлық-зомбылықтан пайда болған стресстің алдын алу аспектілері туралы мәлімдеді.
Сонымен қатар полицейлердің отбасындағы қарым-қатынасқа қатысты ой-пікірлерін тыңдап, психологиялық тұрғыдан шешу жолдарын ұжым болып шешуді қарастырды.
Ал облыстық “Дін мәселелерін зерттеу орталығы” КММ теолог маманы шетелдік діни уағызшылардың қауіптілігі туралы және деструктивті діни ағымның таралуының алдын алу мен сақтану жолдарын түсіндірді.© Didarbek.kz
