Aуданның 60 жылдығына орай ұйымдастырылған “Ауылым алтын бесігім” өнер фестивалі бастау алды, – деп хабарлайды Didarbek.kz тілшісі Ордабасы ауданы әкімінің баспасөз қызметіне сілтеме жасап. Қажымұқан ауыл округі бастаған шара ардагерлердің ауданда жүзеге асырылып жатқан нысандармен танысуынан басталды. Атап айтар болсақ, ел ағалары “Құртай” каналының бойындағы демалыс аймағын және аудан орталығына Шымкент бағытынан кіре берістегі гүлзарды, Самал мөлтек ауданындағы аумақта салынып жатқан спорттық кешенді, арендалық тұрғын үйлерді көрді.
Осыдан кейін ардагерлер орталық саябақта болып, сонда арнайы дайындалған дастарханнан дәм-тұз татты.Фестиваль орталық алаңңда жалғасып, қолөнер шеберлерінің және мектеп оқушыларының бұйымдарының көрмесі ұйымдастырылды. Сондай-ақ ұлттық тағамдардың, кітаптар көрмелері ұйымдастырылды. Кәсіпкерлік және ауыл шаруашылық өнімдері де жұрт назарына ұсынылды. Көне ас ыдыстары мен музыкалық аспаптар, ат әбзелдері, түрлі аң терілерінің көрмесі де фестивальдің сәнін келтірді. Спорт шеберлерінің жетістіктері мен марапаттары да паш етіліп, спорттық жарыстар өткізілді.
Аудан әкімі Азат Оралбаев ордабасылықтарды жүрекжарды құттықтауын жеткізіп, ауданның дамуына сүбелі үлес қосқан бірқатар азаматтарға алғыс жариялап, сый-құрмет көрсетті.Өз кезегінде Қажымұқан ауыл округінің көркем өнерпаздарын ән шашу шашып, көпшілікке көтеріңкі көңіл-күй сыйлады.© Didarbek.kz
АРЫС ЖАҒАСЫНДАҒЫ «ТАЗА ҚАЗАҚСТАН» АКЦИЯСЫ