Түркістан облысы әкімі Дархан Сатыбалды жұмыс сапарымен Созақ ауданына барып, бірқатар құрылыс алаңдарын аралады, – деп хабарлайды Didarbek.kz тілшісі Түркістан облысы әкімінің баспасөз қызметіне сілтеме жасап.
![Возможно, это изображение 1 человек](https://scontent.fcit1-1.fna.fbcdn.net/v/t39.30808-6/451658720_8416424841700787_5665282830354062288_n.jpg?_nc_cat=105&ccb=1-7&_nc_sid=127cfc&_nc_ohc=EtIkBHBogasQ7kNvgElv8aU&_nc_ht=scontent.fcit1-1.fna&oh=00_AYBThHz142hir8SCNvrbyGB5enCjg9EvQK6wqqwOx_2m_A&oe=669F2BC0)
Жауапты сала басшыларына құрылыс барысы бойынша тапсырма берді. Өңір басшысы «Жайлы мектеп» жобасы аясында салынып жатқан 900 орындық мектептің құрылыс алаңында болып, мердігерлермен құрылысқа қатысты туындаған мәселелерді талқылады. Қазір мұнда ішкі құрылыс жұмыстар жүріп жатыр. Құрылыс басында 140 адам бар. Білім ошағы «Самұрық-Қазына» акционерлік қоғамының қаржыландыруымен қолға алынып, биыл пайдалануға беріледі деп күтілуде.
Облыс әкімі сондай-ақ жеке инвестор тарапынан саланып жатқан тұрғын үй құрылысымен танысты. Жаңа қалашықта 2 пәтерлі 36 тұрғын үйдің құрылысы жүруде. Әр пәтердің аумағы 70 шаршы метрден асады. Жалпы жобаның құны 561 млн. 600 мың теңге. Жаңа баспаналар үй кезегінде тұрған әлеуметтік осал топтағы тұрғындарға беріледі.
![Возможно, это изображение 8 человек](https://scontent.fcit1-1.fna.fbcdn.net/v/t39.30808-6/451755001_8416425165034088_4880658402364867326_n.jpg?_nc_cat=102&ccb=1-7&_nc_sid=127cfc&_nc_ohc=RZgus-_JGoYQ7kNvgGGghs2&_nc_ht=scontent.fcit1-1.fna&oh=00_AYCMqyW0V7aVs1vbhqIHNx5sqaP7n64TfoPKpIUlKaSmUQ&oe=669F25BF)
Жұмыс сапары аясында облыс әкімі Шолаққорған ауылындағы «Спорттық-сауықтыру» кешенінің құрылыс алаңында болды. Жоба құны – 1 млрд 845 млн теңге. Спорт кешенінің оқу-жаттығу базасы талапқа сай жабдықталмақ.
© Didarbek.kz