Қазығұрт ауданы әкімдігінің ұйымдастыруымен “Дін саласындағы тұрақтылықты қамтамасыз ету, діни экстремизм мен терроризмнің алдын алу» мақсатында 02.08.2024ж. аудан көлемінде ақпараттық түсіндіру жұмыстары өткізілді, – деп хабарлайды Didarbek.kz тілшісі Қазығұрт Ауданы әкімінің баспасөз қызметіне сілтеме жасап.
Қазақстан мұсылмандар діни басқармасының «Стратегиялық талдау және даму бөлімі» басшысы Республикалық ақпараттық насихат тобының мүшесі Смайыл Сүйерқұлұлы Сейтбеков және Түркістан облысы Сайрам ауданының бас имамы Арыстан Оразалыұлы Оспановтың қатысуымен аудандық «Өнер» мектебінде кездесу өткізілді. Кездесу барысында аудан тұрғындары көкейтесті сұрақтарын қойып, жауаптарын алды.
Содан соң, Тұрбат ауыл округінде орналасқан “Ысмайыл ата” мешітінде Смайыл Сүйерқұлұлы, Қызылқия ауыл округінде орналасқан “Қызылқия” мешітінде Арыстан Оразалыұлы жұма уағызын оқып өтті. Жұма уағызынан кейін жамағат тарапынан қонақтарға деген ырзашылығы мен алғысы білдірілді.
© Didarbek.kz
