Аудан әкімі Азизхан Исмаилов Қазығұрт, Қарабау және С.Рақымов ауыл округтеріндегі бір қатар құрылыс нысандарын аралады, – деп хабарлайды Didarbek.kz тілшісі Қазығұрт Ауданы әкімінің баспасөз қызметіне сілтеме жасап.
Алдымен Қазығұрт ауыл окургіне қарасты Ашыбұлақ ауылында орналасқан медициналық амбулаторияның жөндеу жұмыстарын бақылады.
Содан соң, Қарабау ауыл округіне қарасты Құларық елді мекеніндегі су мұнарасын және Үшбұлақ елді мекеніндегі ішкі көшелердің орта жөндеу жұмыстары мен С.Рақымов ауыл округіндегі көшелердегі электр бағаналары, ішкі көшелердің орта жөндеу жұмыстары мен «Көкібел»ЖОМ құрылысымен танысты.
Мердігер мекемелердің мамандарымен кездескен аудан басшысы мемлекет тарапынан бөлінген қаржының уақтылы игерілуін, әлеуметтік нысандарда жасалып жатқан жұмыстарының сапалы болуын және белгіленген уақытта халық игілігіне берілуін бақылау басты назарда болатынын жеткізді.
© Didarbek.kz
