«Мигрант» іс-шарасы барысында келестік полицейлер аймақтағы шетелдіктер көп тұратын және келетін орындарға, базарларға, құрылыс нысандарына тексеріс жүргізді, – деп хабарлайды Didarbek.kz тілшісі Түркістан Облысының Полиция Департаментінің баспасөз қызметіне сілтеме жасап. Тыңғылықты жұмыстар нәтижесінде тәртіп сақшылары аудан аумағында заңсыз жүрген 20 шетел азаматын анықтады.
Оларға «Шетелдiктiң немесе азаматтығы жоқ адамның Қазақстан Республикасының халықтың көші-қоны саласындағы заңнамасын бұзуы» бойынша әкімшілік хаттама толтырылды. Сондай-ақ шетелдік жұмыс күшін заңсыз тартқаны үшін ҚР-ның 2 азаматына айыппұл салынды.
Қазіргі таңда шетел азаматтарына қатысты заңды шешім қабылдау үшін іс сотқа жолданды.© Didarbek.kz
