«Өнерлі өлке» облыстық өнер фестивалі аясында Түркістан қаласында өткізіліп жатқан Қазығұрт ауданының мәдени күндерінде ұлттық спорт түрлерінен сайыстар өткізілді, – деп хабарлайды Didarbek.kz тілшісі Қазығұрт Ауданы әкімінің баспасөз қызметіне сілтеме жасап. Атап айтқанда, Этноауыл кешеніне жиналған көпшілік асық ату, садақ ату, қол күресі, қошқар көтеру, арқан тарту және күрес түрлерінен жарысқа түсіп, күш сынасты. Көрермен болып келген жұрт сайысқа қатысушылардың шеберліктері мен өнерлеріне тәнті болып тамашалады.
Барша сайыс түрлерінен жеңімпаз атанған қатысушыларға медальдар, кубоктар мен бағалы сыйлықтар табысталды.
© Didarbek.kz
