Сарыағаш ауданы әкімдігінің жанындағы құқық бұзушылық профилактикасы жөніндегі ведомствоаралық комиссиясының кезектегі отырысы аудан әкімі Арман Абдуллаевтың төрағалығымен өтті, – деп хабарлайды Didarbek.kz тілшісі Сарыағаш Ауданы әкімінің баспасөз қызметіне сілтеме жасап. Комиссия отырысына комиссия мүшелері, дербес бөлім басшылары, қала және ауылдық округ әкімдері қатысты.
Күн тәртібіндегі бірінші мәселе «пробация қызметінің есебінде тұрған адамдарға әлеуметтік — құқықтық көмек көрсету туралы»аудандық жұмыспен қамту және әлеуметтік бағдарламалар бөлімінің басшысы М. Құралов баяндама жасады.
Келесі мәселе «жол көлік оқиғаларының профилактикасы, оның ішінде адам өліміне алып келген оқиғалардың алдын алу» бойынша Сарыағаш аудандық полиция бөлімінің әкімшілік полиция бөлімшесінің бастығы Е. Тұяқов баяндады.
Үшінші мәселе «кәмелет жасқа толмағандармен және оларға қарсы жасалатын қылмыстардың профилактикасы туралы аудандық білім бөлімінің бас маманы Ж.Утегеновтың баяндамасы тыңдалды. Мәжіліс барысында күн тәртібінде бекітілген мәселелер талқылынып шешу жолдары қарастырылды.
Аудан әкімі Арман Абдуллаев кезекті отырысты қорытындылай келе, аудан аумағында құқық бұзушылық профилактикасының алдын алу жұмыстары бойынша жауапты мекемелерге тиісті тапсырмалар беріп,хаттамаларға енгізілді.
© Didarbek.kz
