Сайрам ауданының әкімі Арман Сәбитов Жібек Жолы ауылдық округі тұрғындарымен кездесу өткізді. Кездесуде аудан басшысы тұрғындар қажеттілігін қамту үшін бірқатар түйткілді мәселеге тоқталды.
Атап айтқанда, Рысқұлов және Маликов көшелеріндегі табиғи газдың қысымын арттыру, Жібек жолы ауылы, Жаңақұрылыс аумағындағы табиғи газ жүйелерін, Жібек жолы және Сиқым ауылдарындағы ауыз су мәселесін реттеу, Жібек жолы ауылындағы Бөкейхан мектебінің апатты жағдайда тұрған ауыз су құбырын ретке келтіру мәселелерін талқылады.
Бұдан бөлек, кездесу барысында Жібек жолындағы жаңа әкімшілік ғимаратының бүгінгі таңда жүргізіліп жатқан құрылыс жұмыстарымен танысты.
Тиісті қаржысы қаралған әкімшілік іскерлік нысан болашақта 10-ға жуық қызметкерге арналған.
Қабырғасы 2024 жылдың шілде айында қаланған ғимараттың құрылыс жұмыстары «SPC Enginering» ЖШС техникалық қадағалауындағы «Даулет» ЖШС мердігер мекемесі тарапынан жүргізілуде. Ал құрылыс жұмыстары 2025 жылы аяқталу жоспарлануда.
Тұрғындармен кездесуде аудан басшысы Арман Сәбитов көтерілген бірқатар мәселелерді назарға ала отырып, тиісті сала басшыларына бірқатар тапсырмалар берді.
