Еңбек күшін қажет ететін солтүстік өңірлерге халқы тығыз орналасқан оңтүстік аймақтарынан азаматтарды ерікті түрде көшіру мақсатында үгіт-насихат тобы Сайрам тұрғындарымен кездесу өтті.
Делегация мүшесі Павлодар облыстық “Еңбек мобильділігі орталығы” КММ-інің директоры Есембаева Меруерт Сейтбековна және Солтүстік Қазақстан облысының “Еңбек мобильділігі орталығы” КММ-інің директоры Тургельдин Аман Жаксыбаевич Сайрам ауданы тұрғындарын солтүстік өңірлерге қоныстануға шақырды. Сонымен қатар, солтүстік өңірде жұмысшы тобының да тапшы екендігін айта кетті.
Іс-шараға 60-қа жуық адам қатысты. Олардың ішінен қоныс аударуға 11 азамат ниет білдірді.
Кездесу соңында тұрғындар қоныс аудару бойынша кеңестер алып, тұрғын үй, шаруашылық, жұмыс орындары, инфақұрылым туралы сауалдарына толық жауап алды.
