Мемлекет басшысы Қасым-Жомарт Тоқаевтың жаппай кітап оқу мәдениетін қалыптастыру жөніндегі тұжырымдамасын жүзеге асыруға бағытталған «Кітап оқитын ұлт» жобасы Шымкент қаласында ерекше қарқынмен жүзеге асуда.
Қала бойынша жобаға 66 000 адам қатысуда. Оның ішінде: 26 099 оқушы, 18 233 студент, 6 114 педагог, 15 510 отбасы және 546 мемлекеттік қызметкер бар.
Жоба қатысушылары арасында шынайы интеллектуалды орта қалыптасып, кітап оқу күнделікті әдетке айнала бастады. Қалада жаңа мәдениет қалыптасып, әсіресе мектеп оқушылары мен отбасылар арасында қызығушылық артып отыр.
Оқушылардың пікірі:
М.Мәметова атындағы №35 мектептің 9-сынып оқушысы Шаттық Дидар:
«Кітаптің маған ұнайтын тұсы – өмірмен байланыстылығы. Әр шығарма арқылы өзіме қажетті ой түйіп, болашақта қандай адам болғым келетінін тереңірек түсіне бастадым. Кейіпкерлердің таңдаулары өмірде дұрыс шешім қабылдаудың маңызын көрсетеді. Қазір М. Мағауиннің “Тазының өлімі” шығармасын оқудамын. Бұл кітапта адалдық, адамгершілік және табиғатпен үйлесім сияқты терең ойлар бар. Бұған дейін Ш. Мұртазаның “Қара маржан” шығармасын оқыдым – онда еңбек, адам тағдыры мен жауапкершілік мәселелері көрініс тапқан. Сондай-ақ Д. Исабековтың “Дермене” повесінде отбасы, дәстүр және адам өміріндегі таңдаудың маңызы ерекше көрсетілген».
«Dostyq High School» мектебінің 10-сынып оқушысы Шаяхмет Балкерім:
«Кітапты жүйелі түрде оқу әдеті қалыптасып, күн сайын жаңа нәрсе үйренуге деген қызығушылығым артты. Қазіргі таңда “Қаныш және ғылыми майдан” кітабын оқып жүрмін. Бұл шығарма Қаныш Сәтбаевтай ұлы тұлғалардың ғылым жолындағы табандылығын, еңбектің және елге қызмет етудің үлкен маңызын көрсетті».
Студенттердің көзқарасы:
Ж. Тәшенов университетінің 2-курс студенті Салтанат Азаматқызы:
«Жоба аясында ұсынылған әрбір кітап студенттер үшін берері мол. Қазақ әдебиетінің классикалық туындылары арқылы ұлт руханияты мен адамгершілік құндылықтарын терең түсіндім. Мотивациялық шығармалар өз-өзімді дамытуға, уақытты тиімді пайдалануға және мақсатқа ұмтылуға үйретуде».
М. Әуезов атындағы Оңтүстік Қазақстан университетінің 2-курс студенті Бекарыс Абылайханұлы:
«Бұл жобаның пайдасы – жас ұрпақтың рухани дамуына, тіл мен мәдениетке деген құрметтің артуына ықпал етуінде. Менің ойымша, кітап оқуға дағдыланған ұлт – ең мықты ұлт, себебі ол тек сөзге емес, ойға бай ел болады. Сондықтан мен бұл жобаның алдағы жылдарда да жалғасқанын қалаймын және оны еліміздің жаңғыруының бір бөлігі деп білемін».
Болашақ жоғары колледжінің 4-курс студенті Аружан Саримсак:
«Қазір Дейл Карнегидің “Шешендік өнер” еңбегін оқып жүрмін. Бұл кітап көпшілік алдында еркін сөйлеуге, сенімділікке және коммуникациялық қабілетті дамытуға көмектеседі. Сонымен қатар тұлғаның өзін-өзі жетілдіруіне және қоғаммен тиімді байланыс орнатуына ықпал етеді».
«Кітап оқитын ұлт» жобасы Шымкентте оқуға деген қызығушылықты арттыруда. Жоба қатысушылары жаңа білім алып, ой-өрісін кеңейтіп, кітапты күнделікті өмірдің маңызды бөлігі ретінде қабылдауда. Бұл бастама жастар мен отбасыларға ойлануға, өзіне-өзі сенуге және жаңа тәжірибе жинауға мүмкіндік береді».
Жобаны «Amanat» партиясының қолдауымен «Кітап оқитын ұлт – Читающая нация» қоғамдық қоры және Шымкент қаласы әкімдігі жүзеге асыруда. Өңірлік демеуші – «Азия Сервис» компаниясы.
Жоба Шымкент қаласында тек қана кітап оқуды насихаттап қана қоймай, жастар арасында интеллектуалдық даму мен азаматтық жауапкершілікті арттыруда да маңызды рөл атқарады. Осы бастаманың аясында түрлі әдеби кездесулер мен ашық әңгімелер өткізіліп, кітапханаларда жаңа оқырман клубтары құрылуда. Жастардың арасында осындай кітаптық қауымдастықтар көбейген сайын, олардың шығармашылық әлеуеті де арта түсуде. Әсіресе, жастар өздері оқыған шығармалар жайлы пікір алмасу, талқылау арқылы рухани байытылуда. Бұл, өз кезегінде, қоғамдық өмірдің сапалы болуына және тұлға ретінде қалыптасуға оң әсерін тигізеді.
Бұған қоса, «Кітап оқитын ұлт» жобасы Шымкенттің әлеуметтік мәдени дамуына да зор ықпал етіп отыр. Қала тұрғындары мен жастар үшін кітап оқудың маңызы жайлы түсінік тереңдей түсіп, кітаптың өмірдегі орнын жаңа көзқараспен бағалауға жол ашылды. Жоба аясында кітапханаларда өткізілетін мәдени шаралар мен іс-шаралар да көпшілік тарапынан жоғары бағаланып отыр. Бұл тек қана жастардың білімділігі мен шығармашылық қабілеттерін арттыруға емес, сонымен қатар қоғамда кітап оқуға деген жалпы қызығушылықтың артуына әсер етуде.
Сонымен қатар, бұл жоба еліміздің басқа өңірлеріне үлгі ретінде қаралуда. Кітап оқуды жастар мен отбасы үшін бірдей қызықты әрі қажетті әдетке айналдыру – қоғамның рухани байлығын арттырудың маңызды қадамы болып табылады. Әрине, бұл бастама тек қана оқу мәдениетін қалыптастырумен шектелмейді, ол жалпы адамгершілік құндылықтарды нығайтуға, болашақ ұрпақтың санасына терең із қалдыруға бағытталған. Ал Шымкент қаласы осы тұрғыда жақсы үлгі болары сөзсіз.
«Кітап оқитын ұлт» жобасының аясында қалыптасқан жаңа мәдениеттің әсері ұзақ мерзімді болуы үшін қоғамның барлық деңгейінде қолдау көрсетіліп жатыр. Жоба тек жастар мен оқушылардың ой-өрісін кеңейтіп, білім мен ақпаратты іздеу мәдениетін қалыптастырумен ғана шектелмейді, сонымен қатар, отбасы институтын нығайтуға, ұрпақтар арасындағы байланысты арттыруға да септігін тигізуде. Кітап оқу арқылы әр адам өзінің ішкі әлемін байытып, жеке тұлға ретінде кемелденіп, қоғамдық өмірде жауапкершілік сезімін арттырады.
Сондықтан бұл бастама қоғамның рухани жаңғыруы мен мәдениеті үшін маңызды қадам болып табылады. Оқырмандардың санасы ашылып, олардың кітап арқылы алатын құндылықтары тек жеке даму деңгейінде ғана емес, бүкіл қоғамның дамуына әсер етеді. Осылайша, «Кітап оқитын ұлт» жобасы өз мәні мен мазмұны жағынан елдің әлеуметтік мәдени дамуына зор үлес қосып, халықтың рухани болмысын қалыптастыруға бағытталған маңызы жоғары бастама ретінде тарихта қалатындығына күмән жоқ.
