Арнайы және құқық қорғау органдары мен өзге де мемлекеттік орган өкілдерімен «есіркті қылмысына қарсы іс-қимыл және қабылданып жатқан шаралар» мен «кәмелетке толмағандардың арасындағы құқық бұзушылықтың алдын алу» жөнінде Үйлестіру кеңесі өтті. Жиынға құқық қорғау және мемлекеттік органдардан бөлек, мәслихат депутаттары, діни ұйымдардың басшылары, жоғары оқу орындарының ректорлары, қоғамдық ұйымдар, бизнес қауымдастығы, мектеп басшылары, оқушылар және олардың ата-аналары қатысты.
Қазіргі таңда жастар арасында құқық бұзушылық жағдайларының өсуі алаңдатарлық жағдай. Сол себепті де аталған мәселелер Үйлестіру кеңесінің күн тәртібіне енгізіліп отыр.
Шымкент қаласының прокуроры Ғабит Мұқанов “Заң мен тәртіп” қағидаты аясында аталған екі мәселе бойынша атқарылып жатқан жұмыстарға тоқталып өтті. Прокуратураның мәліметінше, биыл кәмелетке толмаған 5 жасөспірімнің есірткі сату дерегі тіркелген. Шымкент қаласында есірткімен байланысты қылмыстар 3,2 пайызға өскен. Бұл ретте, прокуратураның үйлестіруімен нашақорлықтың алдын алу және есірткі бизнесіне қарсы күресте ауқымды шаралар атқарылып жатыр. Қала прокуроры есірткімен күрес әрбір мемлекеттік органның тікелей міндеті екенін айтты.
Қала прокуратурасының бастамасымен бүгінде «Құқықтық тәртіп және тазалық» жобасы аясында қалалық коммуналдық қызметтер – «Тазалық сақшылары» — құқық бұзушылықпен күресте белсенді көмек көрсетіп келеді. Олардың қырағылығының нәтижесінде қала көшелеріне есірткі заттарын сататын интернет-дүкендердің жарнамасын жазып жүрген азаматтар қолға түскен.
Шымкент қаласының Полиция департаменті бастығының бірінші орынбасары, полиция полковнигі Құрманбек Сахов 2025 жылдың 10 айының қорытындысы бойынша атқарылған жұмыстарды баяндады. Оның мәлімдеуінше, 10 айда кәмелетке толмағандар жасаған қылмыс 136 пайызға өскен. Оның басым бөлігі – ұрлық жағдайлары.
Полиция қызметкерлері қазіргі таңда құқық бұзушылықты анықтауда дрон техникаларын қолданып жатыр. Кезекті рейд барысында арнайы техниканың көмегімен есірткіні жарнамалап жүрген көрші елдің азаматы ұсталыпты. Департамент тарапынан 1713 интернет сайт бұғатталған.
Басқосуда Шымкент қаласы әкімінің орынбасары Сәрсен Құранбек жастардың бос уақытын тиімді өткізу, қосымша білім беруде жұмысты жандандыру қажеттігін алға тартты. Сондай-ақ, іс-шарада мектеп оқушылары да жасөспірімдер арасындағы құқық бұзушылықтың алдын алуда бірқатар ұсыныстарын жеткізді.
Құқық қорғау органдары мен мемлекеттік мекемелердің бірлескен жұмысы жастар арасындағы қылмыстың алдын алу үшін тиімді тәсіл болып табылады. Сонымен қатар, құқық бұзушылықтың өсуі мектептер мен оқу орындарының қосымша білім беру қызметтерін жақсарту қажеттілігін көрсетеді. Бұл үшін жастардың бос уақытын тиімді ұйымдастыру, спорттық және мәдени шараларды көбірек ұйымдастыру маңызды. Мектептер мен жоғары оқу орындарындағы тәрбие жұмысы да жаңаша бағытта жүргізілуі тиіс.
Құқық қорғау органдарының дер кезінде қолға алған шараларының нәтижесінде есірткімен күрестің белсенділігі артып, интернет арқылы есірткі саудалауға қатысты қылмыстарға тосқауыл қоюға мүмкіндік беруде. Сондай-ақ, дрондарды пайдалану тәртіп сақшыларына құқық бұзушылықтарды анықтауда көмек көрсетіп, бұл әдіс алдағы уақытта да тиімді болары сөзсіз. Мұндай шаралардың аясында қоғамдық қауіпсіздік пен тәртіпті сақтауға бағытталған жұмыстар жалғасатын болады.
Жастар арасында құқық бұзушылықтың алдын алу үшін барлық әлеуметтік топтардың ынтымақтастығы маңызды. Бұл тек құқық қорғау органдарының ғана емес, мектептердің, отбасылардың және қоғамдық ұйымдардың ортақ міндеті болуы тиіс.
Қазіргі таңда құқық қорғау органдарының тек қылмыспен күресу емес, сонымен қатар жастармен профилактикалық жұмыстар жүргізуі ерекше маңызға ие. Әрбір құқық бұзушылықтың алдын алу үшін әлеуметтік, психологиялық және тәрбиелік жұмыстарды жүргізу қажет. Бұл, әсіресе, жасөспірімдер арасында есірткіге тәуелділіктің алдын алу мен құқық бұзушылықтардың азаюына ықпал етеді. Сондықтан, мұндай шаралар тек құқық қорғау органдары ғана емес, мектептер мен жастар ұйымдарының бірлескен күш-жігерімен жүзеге асырылуы тиіс.
Алдағы уақытта қоғамдық тәртіпті сақтау, жасөспірімдер арасындағы қылмыстың алдын алу, сондай-ақ есірткіге қарсы күресте халық арасында кең ауқымды түсіндіру жұмыстарын жүргізу қажет. Бұл бағытта барлық ұйымдар мен мемлекеттік құрылымдардың ынтымақтастығы, әсіресе ата-аналардың және білім беру мекемелерінің белсенділігі өте маңызды. Жастарға арналған арнайы бағдарламалар мен тренингтер олардың қоғамға пайдалы тұлға ретінде қалыптасуына көмектеседі.
