Шымкент қаласында Жаңа жыл мерекесіне орай Әл-Фараби және Абай аудандарында ауқымды мерекелік безендіру жұмыстары ұйымдастырылмақ.
Әл-Фараби ауданында мерекелік шараларға 21,5 млн теңге бөлініп, мердігер мекеме – «INNOVA BUILD» ЖШС жұмысқа кірісетін болады. Аудан аумағында басты шырша, «Арбат» демалыс аймағы, Әл-Фараби алаңы және Орыс драма театрының алдында мерекелік элементтер орнатылады. Арбат аймағында жаңа шырша тұрғызылады, жарықдиодты шамдар мен кіші сәулеттік пішіндер орналастырылады. Сонымен қатар, театр алдындағы алаңда 2, «Спутник» аллеясында 5 кіші сәулеттік пішін қойылмақ. Б.Момышұлы және Түркістан көшелері де мерекелік жарықтандыруға ие болады.
Абай ауданында да мерекелік безендіруге 23,4 млн теңге бөлінген. «ASB Constraction» ЖШС мердігер ретінде 16,4 млн теңгеге жұмыстарды атқарады. Аудан аумағында 4 кіші архитектуралық пішін (МАФ), 5 перетяжка, 1 арка және бірнеше шырша орнатылып, барлығы жарықдиодты шамдармен безендірілмек. Бұған қоса, бұрынғы жылдары орнатылған 3 шырша да пайдаланылатын болады. «Наурыз» алаңында бас шырша мен МАФ элементтері, Бәйдібек би даңғылы бойындағы шыршалар, «Асар» аллеясы және Дендросаябақ алдындағы шыршалар мерекелік жарыққа оранып, тұрғындарға ерекше көңіл-күй сыйламақ.
Сонымен бірге, Шымкент қаласында Жаңа жыл мерекесіне дайындық аясында Еңбекші және Қаратау аудандарында да ауқымды мерекелік безендіру жұмыстары ұйымдастыру жоспарлануда.
Еңбекші ауданында жаңа жылдық шараларға 25,5 млн теңге қаралған. Мердігер мекеме – «Жан-Мейір» ЖШС. Ауданның басты шыршасы «Алатау» саябағына, сондай-ақ аудан орталығындағы екі басқа нүктеге кіші сәулеттік пішіндер орнатылмақ. «Қазақстан-Түркия достығы» және «Жеңіс» саябақтарына мерекелік элементтер орналастырылып, бұрынғы 16 элементке қосымша 37 жаңа элемент (оның ішінде 18 метрлік бір шырша және 36 МАФ) қосылады. Жалпы, аудан аумағында 53 жаңа жылдық элемент орнатылмақ. 21 желтоқсан күні сағат 18:00-де «Алатау» саябағында басты шыршаның шамын жағу салтанаты өтеді деп жоспарлануда. Мерекелік бағдарламаға аяз ата мен ақшақар, сондай-ақ 10 аниматор қатысады. Сонымен қатар, Елшібек батыр, Ш. Уалиханов және Сайрам көшелеріндегі ағаштар мен аркаларға мерекелік безендіру жүргізілмек, сондай-ақ аудан аумағындағы 30 ірі коммерциялық нысан өз қаражатына ғимараттарын безендіру жоспарланған. 26 желтоқсанда «Оқушылар сарайында» аз қамтылған отбасылардан шыққан 300 бастауыш сынып оқушысына арналған концерттік бағдарлама мен сыйлықтар тарату көзделген.
Қаратау ауданында мерекелік безендіруге 24 504 187 теңге қаралған. Ауданның орталық көшелері мен елдімекендерінде шыршалар, жасанды инсталляциялар және МАФ элементтері орнатылмақ. Мысалы, Шаяхметов көшесі бойы, Назарбеков/Байтереков қиылысы, әкімшілік ғимараттар мен іскерлік орталықтар безендіріліп, Байтереков, Арғынбеков, Шаяхметов және Астана көшелеріндегі жасыл желектер мерекелік элементтермен толықтырылмақ. Сонымен қатар, аудан аумағында Тәуелсіздік күніне орай 200 жалауша ілу жоспарланған.
Шымкент қаласында Еңбекші және Қаратау аудандары жаңа жылдық мерекені жоғары деңгейде атап өтуге дайындық жүргізіп, тұрғындарға мерекелік көңіл-күй сыйлау бағытында кешенді шараларды жүзеге асыруға ниетті.
Шымкент қаласындағы жаңа жылдық мерекелік безендіру жұмыстары тұрғындардың көңіл-күйін көтеріп, қала көркін жақсартуға бағытталған маңызды бастама болып табылады. Бұл шаралар қаланың әр ауданында ерекше жүзеге асырылып, әрқайсысының өзіндік ерекше атмосферасын қалыптастыруға мүмкіндік береді. Мерекелік шамдар мен шыршалар орнатудың қоса жүретін басқа элементтері, мысалы, киіз үйлер, жасанды қар, әртүрлі інсталляциялар тұрғындарды жаңа жылға қарсы ерекше рухта қарсы алуға жетелейді. Бұл бастама қала тұрғындарын біріктіріп, әлеуметтік бірлік пен мәдени әртүрлілікті насихаттайды.
Әсіресе, балалар үшін ұйымдастырылатын іс-шаралар маңызды рөл атқарады. Қалада аниматорлар мен ертегі кейіпкерлері қатысатын ойын-сауық бағдарламалары, шыршаның шамын жағу сәті, концерттер мен сыйлықтар тарату сияқты іс-шаралар жаңа жылдың көңілді әрі әсерлі өтуіне ықпал етеді. Мұндай іс-шаралар жас ұрпақты Отанға, патриотизмге тәрбиелеп, ұлттық құндылықтарды дәріптеуге мүмкіндік береді. Сонымен қатар, аудандық мерекелік бағдарламалар қала тұрғындары арасында өзара түсіністік пен ынтымақтастықты нығайтады.
Ерекше назар аударатын тағы бір жоба — қаладағы кәсіпкерлердің атсалысуы. Қазіргі таңда көптеген ірі коммерциялық нысандар өз қаражатына ғимараттарын безендіруге қатысып, қаланың көркем көрінісін арттыруда. Бұл тек қала инфрақұрылымын жақсартуға ғана емес, сонымен қатар, жеке сектордың әлеуметтік жауапкершілігін арттыруға да ықпал етеді. Әсіресе, қаланың орталық көшелеріндегі мерекелік жарықтандыру мен сәндеудің келешекте туристік тартымдылықты арттыруға да оң әсерін тигізетіні анық.
Бұл мерекелік жобалар Шымкент қаласының мәдени өміріне жаңа серпін беріп, жаңа жылдың басталуымен бірге қала тұрғындарына қуаныш сыйлайтын маңызды кезең болады. Қаланың әр ауданында жаңажылдық безендірудің жүзеге асырылуы тек мерекелік көңіл-күй ғана емес, сонымен бірге Шымкенттің өркендеуі мен даму жолында тұрақты әрі тиімді жұмыс істеліп жатқанын көрсетеді.
