Шымкент қаласында тұрғындарды баспанамен қамту бағытындағы жұмыстар жалғасуда. Бұл жолы Асар-2, Бозарық, Тұран және 189 орам шағынаудандарынан 50 отбасы жаңа қонысқа ие болды. Жалдамалы тұрғын үйлер сатып алу құқығымен пайдалануға беріліп, пәтер кілттері салтанатты жағдайда табысталды.
Қоныстану рәсіміне қала әкімі Ғабит Сыздықбеков қатысып, баспаналы болған отбасыларды қуанышты сәттерімен құттықтады. Қала басшысы тұрғындарға ізгі тілегін білдіріп, әрбір отбасының өз шаңырағына қол жеткізуі – маңызды әлеуметтік міндеттердің бірі екенін атап өтті.
– Бүгін сіздер үшін ерекше әрі қуанышты күн. Жаңа баспаналарыңыз құтты болсын! Әр шаңыраққа амандық, береке-бірлік тілеймін. Жаңа үйлеріңіз шаттық пен қуанышқа толып, отбасыларыңызбен бірге бақытты ғұмыр кешіңіздер. Әрбір отбасының баспаналы болуы – біз үшін маңызды міндеттердің бірі.