Бүгін Қазығұрт ауданының әкімі Азизхан Исмаилов өзінің іс жоспарына сай Сарапхана, Жаңабазар және Жігерген ауыл округтеріне арнайы іссапармен барды. Сарапхана ауыл округінен Талдыбұлақ елді мекеніндегі жүргізіліп жатқан KXKZ-15 KX-29 «Шарапхана-Жаңабазар-1Мамыр» аудандық маңызы бар автомобиль жолын орта жөндеу жұмыстарын көрсе, Жаңабазар ауылында КХ-44 «Жігерген-Көкібел» облыстық маңызы бар автомобиль жолын орташа жөндеу жұмыстары мен Ұя өзені арқылы өтетін көпірдің күрделі жөндеу жұмыстарымен танысты. Сондай-ақ, Жігерген ауыл округіне барып, Жігерген елді мекенінің Есжанов, Шыршықбаев, Ұйымшыл, Жамашев-Қанатбаев, Ташқұл болыс, Шақпақ көшелерін орта жөндеуден өткізу жұмыстарын көріп, құрылыс басында мердігер мекеме басшыларымен, жергілікті тұрғындармен кездесіп, өзінің ұсыныс-пікірлерін жеткізді.
