Кентау қаласында балалардың құқықтарын қорғау және олардың қауіпсіздігін қамтамасыз ету мақсатында «Ұлағатты ұрпақ тәрбиелеу аса жауапты әрі күрделі міндет» тақырыбында ата-аналар форумы өтті.
Шараға Кентау қалалық полиция бөлімінің қызметкерлері, қала әкімдігінің, білім бөлімінің өкілдері, ата-аналар мен ұстаздар қатысты.
Форумда ата-аналарға бейнеролик көрсету арқылы 25 мамыр-соңғы қоңырау іс-шарасын өткізудің алгоритмі түсіндірілді. Сонымен қатар кәмелетке толмағандар арасындағы құқық бұзушылықтың алдын алу және жазғы демалыс кезіндегі балалардың қауіпсіздігін қамтамасыз ету мәселелері талқыланды.
Жиын соңында форумға қатысушылар пікірлерін ортаға салып, туындаған сұрақтарына жауап алды. Сондай-ақ тиісті сала мамандары өзара бірлесіп, ата-аналармен тығыз іс-қимыл жасағанда ғана кәмелетке толмағандар арасындағы қылмыстың жолын кесуге және алдын алуға бағытталған тиімді шаралардың берер мүмкіндік көп екендігі аталып өтті.
Бала қауіпсіздігіне ерекше көңіл бөлетін учаскелік полицейдің бір күні
Түркістан облысында кәмелетке толмағандардың істері жөніндегі аға учаскелік полиция инспекторы Мұрат Камалов қызмет етеді. Ол өзінің жұмыс күнінде үнемі оқушылар қауіпсіздігіне баса көңіл бөледі.
Полиция қызметкері еңбек ететін Төлеби ауданында жалпы 68 мектеп бар. Онда 30 мыңға жуық оқушы білім алады. Бүгінгі таңда Төлеби аудандық білім бөлімі мен аудандық полиция бөлімі бірлесе отырып түрлі профилактикалық шараларды жүзеге асыруда.
Осы істің басы-қасында жүрген полиция майоры Мұрат Асанұлы жасөспірімдер арасында және оларға қатысты жасалатын қылмыстардың алдын алу бойынша оқушыларға ақпарат беріп, «Жол жүру ережелері» тақырыптарында жүйелі түрде сабақтар ұйымдастысырады.
Тәртіп сақшысы әр дәрісінде оқушыларға лудомания, кибербуллинг, нашақорлық, жол қозғалысы ережелері, әлімжеттік тақырыптарында ашық әңгіме өрбітеді. Бастауыш сынып оқушыларын жол бойында тікелей қауіпсіздікпен таныстырып, тәрбие сағаттарын өткізеді.
Полицейлер ескертеді. Қазақстан Республикасы Ішкі Істер министрлігінің тапсырмасымен республика көлемінде «Абайлаңыз балалар!» іс-шарасы өтуде.
Осы бағытта облыс полицейлері акцияның онкүндігіне өз үлестерін қосуда. Білім беру ұйымдарына арнайы барып, жасөсіпірімдерге жол жүру ережелері тақырыбында түсіндірме жұмыстарын жүргізуде.
Оның ішінде түлектерге автокөліктермен шеру жасап, көлік құралының терезелерінен, люктерінен денелерінен шығаруға болмайтындығы қатаң ескертілді. Мұндай қызық қуып, көліктермен кортеж жасаудың соңы жол ережесін бұзып, жауапкершілікке тартуға дейін әкеп соғады. Ең қиыны жол апаттарына себеп болуы мүмкін.
Сондықтан қарапайым қауіпсіздік ережелерін сақтаңыздар!
