«Әділет» партиясы филиалының Шымкент қалалық штабының мүшелері «Баянсұлу» сауда орталығының еңбек ұжымымен кездесу өткізді.
Кездесу барысында партияның сайлауалды бағдарламасының негізгі бағыттары таныстырылып, алдағы бес жылға арналған мақсат-міндеттері мен басымдықтары кеңінен түсіндірілді.
Спикерлер өз сөздерінде елдің әлеуметтік-экономикалық дамуы, шағын және орта бизнесті қолдау, кәсіпкерлікті дамытуға қолайлы жағдай жасау, жаңа жұмыс орындарын ашу және халықтың әл-ауқатын арттыру мәселелеріне тоқталды. Сонымен қатар, қалалық инфрақұрылымды дамыту, жолдардың сапасын жақсарту және әлеуметтік саланы жетілдіру бағытындағы жоспарлармен бөлісті.
Кездесу барысында сауда орталығының қызметкерлері өздерін толғандырған сұрақтарын қойып, ұсыныс-пікірлерін білдірді. Спикерлер қойылған сұрақтарға жауап беріп, көтерілген мәселелер бойынша пікір алмасты.
Жүздесу ашық әрі мазмұнды форматта өтіп, еңбек ұжымы партияның сайлауалды бағдарламасы мен алдағы жоспарлары туралы жан-жақты ақпарат алды.
Мұндай кездесулер халықпен тікелей байланыс орнатуға, еңбек ұжымдарының талап-тілектері мен ұсыныстарын ескеруге және қоғамдағы өзекті мәселелерді бірлесе талқылауға мүмкіндік береді.
Дайындаған: «Әділет» партиясының Шымкент қалалық филиалының баспасөз қызметі.
Тапсырыс беруші: Байқонысов Е.Р.
Шымкент қалалық мәслихаты депутаттарының сайлауына партиялық тізім ұсынған
«Әділет» партиясы» ҚБ сайлау қорының қаражаты есебінен төленді.

